هاى يا جماعة.. بليز أى حد يشوف كلام مش لايق هنا فى القسم دة.. يعمل ريبورت *مش عارفة اسمه ايه بالعربى!!* للمشرفين على القسم او ينبهنا هنا فى التوبيك دة عشان ناخد أكشن مناسب..
أنا مش حابة أبدا الروح العدائية اللى ساعات بتنتشر *و بجد أنا مقدرة انها من القهرة من كل اللى بيحصل فى ميمتنا و اللى بنشوفه*.. بس انا عارفة ان انتم أذكية و تقدروا تعبروا عن نفسكم من غير إهانات.. و لو فيه ناس بتيجى هنا تعبر عن بيئتها النضيفة أوى و بتشتم فى حبيبة قلبنا ميما.. فعيب علينا احنا ننزل لمستوى البلاعات دة.. نقدر ناخد أكشن أحسن من 100 كلمة.. ببساطة نمسح كلامهم كأنه زبالة فى الشارع بنكنسها.
فبليز عشان منضطرش ان احنا ندى تحذير لجمهور ميما حبيبنا و نزعل حد .. بلاش شتيمة أو اهانة فى أى حد من الطلاب.. لغتنا العربية لغة ثرية و الحمد لله نقدر نعبر من غير ألفاظ.
فبليز بليز يا جماعة.. ترضوا باللى بقوله دة و تنفذوه لمصلحة ميما قبل كل شىء.. و ما حدش يزعل منى لو مسحت الرد بتاعه أو كدة لعدم الألتزام بالقوانين دى..
و ما تنسوش ان مامة ميما موصينا منردش على الأساءة بمثلها.. نقدر ندافع عن ميما بشكل حضارى و فى نفس الوقت ما نوقعش نفسنا فى العيب..
ميرسى ليكو و أرجوا من الجميع التعاون.. و يعمل ريبورت *حد يقولى الكلمة دى معناها ايه بالعربى * لأى تصرف مش تمام بيحصل هنا.
و ممنوع منعا باتا التعرض لميما بحرف واحد هنا!! دة منتداها يعنى هنا هى ست الكل.. أى رد هشوفه يمسها من قريب أو بعيد.. همسحه و أكتب مكانه رد مديح فى ميما! و اللى مش عاجبه الموضوع دة بالذات يبقى بكرامته ما يكتبش حاجة وحشة أحسن