السلام عليكم
طبعا كلم خدتوا بالكم ان القسمين بتوع تامر اتلغوا و اتمسحوا من المنتدى خالص ..
لما عملت المنتدى ده ماكنش معمول لتامر خالص ، هو بس الاسم كان موجود قبل المنتدى على موقع دنيا الوطن و لما عملت المنتدى سميته بيه و بس ، لكن تامر ا قل من ان اعمل منتدى باسمه ، لا حب و كره ، هو كان ليه قسمين و خلاص بالسلامه اتشالوا ..
وقلت قبل كدا كتير اننا مش بنكره تامر لشخصه و شرحت كتير موقفنا منه ، لكن احبابه مش عايزين حد مايحبهوش ، مش عارفين يستوعبوا ان الانسان ممكن يتحب و ممكن مايتحبش ، شايفين تامر حاجه مش طبيعيه و انسان خارق في حبه و مشاعره و اخلاقه و دينه و مافهوش غلطه و كامل من كله ( الكمال لله وحده ) ، كله بيخش يشتم و خلاص و يدعي علينا ، اللي دعى اننا نخش النار و اللي تف و اللي سب ، حد فيهم دخل قسم اللي بيحبوه و علق على الصور اللي محطوطاله ؟ او المواضيع الكويسه اللي بتتكلم عنه ؟ لا طبعا كله داخل متبرمج انه يشتم و بس ..ويغلط و بس من غير تفكير و لا حتى يعرف هو بيشتم وبيغلط ليه ..
القسمين دول ماتلغوش خوفا من حد و لا استسلام ، بس لما الموضع يوصل لدرجة ان ناس تخش تشتم و تسب بالاهل و بالفاظ خارجه يبقى لا . انا استحملت الغلط فيا كتير ، لكن ماردش اجيب لاهلي السب و الشتيمه من غير داعي . وعلشان خاطر انسان مايسواش ، انا لا شتمت حد و لا سبيت حد و لا غلطت في حد ..
ماعتقدش حد فيكم ممكن يقبل لاهله الشتيمه ، حتى اللي دخلوا وشتموني باهلي برضو مايتهياليش يرضو لاهاليهم كدا ..
الله يسامح اللي غلطوا فيا .. والمنتدى موجود اللي يحب يشترك معانا اهلا و سهلا بكل ادب و احترام .
وبشكر كل اللي بيحبوا تامر و دخلوا و قالوا رايهم من غير غلط او تجريح ، وبشكر برضو الي مش بيحبوه و قالوا رايهم فيه برضوا من غير غلط او تجريح ..
بس اللي غلطوا و شتموا و سبوا ممكن سؤال ؟ تفتكروا تامر يستحق انك تخش تشتم علشانه و تغلط في غيرك علشانه ؟ تفتكر دي طريقه كويسه انك تدافع بيها عنه انك تخش تشتم بالطريقه دي ؟ تفتكر يوم الحساب تامر هايجي يقول لا ماتحسبهوش على الشتيمه دي حاسبوني انا لانه كان بيشتم علشاني و بيدافع عني ؟
وياريت تخشوا المنتدى الديني تستفادو و تفيدونا منه ، ماحدش فيكم دخله ولا بص حتى عليه
وشكرا ليكم