رساله لتوتو حسنى

السلام عليكم
المختصر المفيد .. بعد الشتيمة و قلة الادب اللي ظهرت من كتير من محبي لومانجي الجيل توتو ابن ابي حسني ، عملت ريمووف لكتير منهم لان الصراحه اخلاقهم و اسلوبهم في الكلام مش ناس محترمه ابدا ..
احنا يمكن بنكره تامر و دي حريه شخصيه طبعاً لاي حد ، لكن لا شتمنا شتيمه خارجه و لا شتمنا بالاهل زي ما همه شتموا ، و لا غلطنا في حد من محبينه و لا مسحنا لحد قبل كدا اي موضوع حتى لو كان بيهاجمنا .. مامسحناش غير لما اسلوب حوارهم وصل للشتيمه و بالاهل كمان ..
كل اللي كانوا بيشتموا خلاص بح مافيش منهم تاني .. والمواضيع اللي كانوا بيشتموا علشانها و الشخص اللومانجي اللي كانوا بياخدوا سيئات علشانه خلاص بح هيه كمان ..
اللي عايز يكون موجود بادب وباحترام معانا اهلا و سهلا بيه و مشرفنا ومنورنا ، لكن اللي هايغلط ولو حتى بحرف واحد هاقله مع السلامة ، تحبوا تامر تكرهوه تعشقوه مش قصتنا و لا قضيتنا ، اسم المنتدى هايفضل زي ماهو ..
اتمنى ان اللي يشتركوا معانا يكونوا ناس محترمه و ناس عاقله بتعرف تتكلم بالادب و الذوق ..
وشكرا للجميع
والسلام عليكم و رحمة الله وبركاته